Hoxe permitideme que o fareiro de Illa Alba se manifeste en primeira persoa, sen que sirva de precedente, para recomendarvos dous destinos de moito interese para el, cando ocasionalmente decide abandoar as súas tarefas cotiáns e visitar outros lugares de refuxio que no inmenso do ciberespacio se atopan.
En primeiro lugar é preciso mencionar a Criando malvas...... e herba de namorar (http://criandomalvaseherbadenamorar.blogspot.com.es/) espazo adicado aos sentimentos, a arte terapia sen pretensións, á búsqueda tanto dun mesmo como do encaixe no mundo, a través da expresión coas palabras, coa imaxe, cos materiais que se converten en presentes de esperanza compartida...., todo un mundo por descubrir da man de Anibia de Oca, incansable lectora e viaxeira que nos achega con palabras amables e agarimosas a esa cita que temos con nos mesmos, onde nos contemplamos tal como somos coas nosas penas e alegrías, coas nosas esperanzas e os nosos medos, pero sempre dende a seguridade e a compaña dunha persoa excepcional, incansable buscadora do coñecemento e de respostas, comprometida e cunha actitude inconformista ante as inxustizas.
En segundo lugar, está o espazo dun excelente xornalista que é Nacho Mirás (http://www.rabudo.com/), que nos mostra nos seus escritos a través do seu testimonio persoal, a convivencia cotiá coa súa doenza, contada en primeira persoa, pero poñendo voz a un gran número de persoas que a diario teñen relación con esta situación, ben como pacientes, familiares, ou persoal sanitario, e que contribúe co bo oficio do autor, a borrar inxustos e absurdos estigmas do pasado, ao tempo que nos ilustra con excelentes e curiosos artigos sobre temas moi variados.
Ningún comentario:
Publicar un comentario